Free Mobile Repairing Course

Basic se Advanced Practical Knowledge or Anubhav par Aadharit yh Course Anagh Mobile Repair Dwara Bnaya gya he

 👉 Mobile Repair Tools List with Price

📱 Mobile Testing

• Eye Scanning
• Cool Testing
• Hot Testing

---

Eye Scanning

Jab bhi koi phone dead condition ya kisi bhi prakar ke fault ke liye aata hai tab hum usko sahi tareeke se dekhte hai ki mobile me kisi prakar ki koi toot phoot to nahi ya motherboard me koi component ya IC tooti ya nikli to nahi hai kisi prakar ka koi physical damage to nahi hai isko eye scanning kehte hai

---

Cool Testing

Multimeter se mobile ki line check karna aur ground reading lena cool testing kehlata hai

---

Hot Testing

Multimeter se mobile ke sabhi voltage check karna jab mobile ki battery lagi ho aur phone me voltage chal raha ho tab ise hot testing kehte hai

---

Basic Class – Multimeter

Mobile repairing me multimeter ka upyog sirf diye gaye chaar feature ke liye hota hai

• Buzzer
• Diode
• Ohm
• Voltage

---

Buzzer Mode

Supply aur shorting check karte hai agar hum kisi taar ke dono siron multimeter ki dono taar ko lagaye to hume beep ki awaaz sunai degi aur multimeter me 000 value dikhai degi jo taar ki line sahi hone ka sanket hai agar taar ya line tooti hogi tab hume multimeter me koi awaaz nahi sunai degi agar multimeter thoda advance aur sahi feature ka hai tab OL matlab open line dikhai dega jo line ke toote hone ka sanket hai

---

Diode Mode

GR check karte hai GR matlab ground reading hota hai GR check karne ke multimeter ki laal taar ko ground par rakhte hai aur kaali taar se reading dekhte hai jo ki component ke positive sire par milti hai diode mode par agar component ke dono sire par beep ki awaaz aaye tab component ki dono line ya dono sire ground ho sakte hai

---

Ohm Mode

Hum kisi bhi resistor ki value matlab uski resistance check karte hai jab hum koi zero ohm ka resistor check karenge tab hume multimeter ko beep mode par rakhna hai agar resistor zyada value ka hoga tab beep nahi aayegi jaise agar koi resistor 10 kilo ohm ka hoga tab hume multimeter ko bhi usi hisaab se adjust karke dekhna hoga is prakar hum sabhi resistor ko check kar sakte hai

---

Voltage Mode

Jab hume phone ke voltage check karna hota hai tab hum multimeter ko 20v DC par set karte hai DC matlab direct current jo sabhi prakar ki battery aur charging supply me hota hai

---

PCB Component

Mobile ke PCB board me lagne wale component

• CRYSTAL
• IC
• RESISTOR
• CAPACITOR
• COIL
• FUSE
• DIODEs
• TRANSISTOR
• MOSFET
• BDR
• FILTER
• SENSOR

---

CRYSTAL

Crystal ek Quartz material se banaya jata hai iska kaam electric frequency ya signal utpann karna hai jab crystal par voltage diya jata hai tab yeh ek nishchit frequency par vibrate hota hai aur yeh vibration electric frequency me badal jati hai

---

IC

Yeh ek chhoti chip hoti hai jisme hazaro lakho transistor resistor capacitor diode aur kai saare electronic components lage hote hai IC jitni zyada advance aur badi hoti hai usme utne hi zyada electronic components lage hote hai iska pura naam integrated circuit hota hai jo kisi khaas tarah ke kaam ko karne ke liye banayi jati hai jaise power management signal banana processing audio network charging data storage jaise kai mahatvapurn karya yeh germanium v silicon padarth se bani hoti hai jo ardhchalak hote hai

---

RESISTOR

Resistor ek aisa component hai jo current ko rokne v kam karne ke liye banaya gaya hai ise pankhe ke regulator se samjha ja sakta hai jo ghumane par pankhe ki chal ko kam ya zyada karta hai yeh bhi ek resistor hi hota hai lekin yeh ek variable resistor hota hai jiski resistance ko kam ya zyada kiya ja sakta hai aur mobile PCB me lage resistor fixed resistor hote hai inki resistance value nahi badalti jaise 10 kilo ohm ya 100 ohm yeh resistor mobile PCB me aksar chhote aakar v kaale rang ke hote hai jinke dono siron par silver rang ki patli patti hoti hai yeh bahut patle hote hai kuch resistor par value likhi rehti hai jaise 101 R123 R45 inhe circuit diagram me R symbol se darshaya jata hai PCB me resistor ka mukhya kaam current ko limit karna voltage ko divide karna signal ko stable karna aur protection dena

---

CAPACITOR

Yeh ek chhota electronic component hota hai mobile PCB me SMD capacitor electrolytic capacitor ceramic capacitor lage hote hai SMD capacitor aur ceramic capacitor chhote size me chaukore ayatakar brown rang ke hote hai electrolytic capacitor yeh kisi tanki cylinder ki tarah hote hai jo bahut mushkil se dekhne ko milte hai capacitor mobile ki power line me voltage ki noise aur ripple ko saaf karta hai jo ki ek filter ki tarah hota hai capacitor DC current ko store karta hai jab mobile ko achanak current ki zarurat padti hai jaise camera open karna network signal badhna kisi IC ko stable voltage dena jaisi voltage ki har zarurat ko pura karta hai jab yeh leakage hota hai tab current ko bhi leak karta hai jisse mobile garam hota hai aur battery jaldi khatam hone ka fault banta hai agar capacitor open ho jata hai jaise andar ki layer ke do hisse ho jate hai tab phone hang hone restart hone jaisi dikkat karta hai agar capacitor short ho jata hai tab phone dead ho jata hai aur DC power supply par high ampere leta hai multimeter se capacitor ko buzzer mode v diode mode par check karte hai agar capacitor ke dono siron par beep ki awaaz aaye tab yeh short mana jata hai agar koi bhi beep na aaye tab yeh sahi mana jata hai

---

COIL

Tambe ke patle taar ko gol gol lapet kar banaye gaye electronic component ko kehte hai iska kaam voltage ko rok kar current ko aage bhejna v voltage ko control karna hota hai mobile me yeh chhote gol block v chaukore roop me dikhai deti hai coil kisi bhi line ya circuit me noise hata kar saaf v smooth DC current dene ke liye lagai jati hai coil bhi kai prakar ki hoti hai

Jaise :-

Buck coil yeh power IC ke paas milti hai iska kaam high voltage ko kam karna hota hai jo power IC se 3.8v lekar CPU ke liye buck voltage 1.2v v 0.7v banati hai ise step down coil ke naam se bhi jante hai

Boost coil yeh apne naam ke hisaab se hi kaam karti hai voltage ko boost karne ka yeh coil power IC boost circuit aur light IC ke paas milti hai yeh 3.8v ko 25v se 30v v usse bhi adhik volt tak boost kar sakti hai dikhne me yeh coil buck coil jaisi lagti hai lekin yeh 10 micron ki hoti hai jo ki light section me milti hai

Filter coil yeh power line me high frequency noise hatane liye lagai jati hai jo dikhne me kisi resistor ki tarah hoti hai yeh sirf current pass karti hai

RF coil yeh signal v network ki tuning aur filtering ka kaam karti hai jo chhote resistor ki tarah safed v neele rang ki hoti hai inke ek sire par chhota bareek jalne jaisa kala nishan inki pahchan hai aur yeh network section aur network antenna ke paas milti hai

Coil bahut kam short hoti hai agar inki line cut jati hai tab yeh multimeter par beep sound dena band kar deti hai yeh high voltage v load ki wajah se kamzor ho jati hai coil ko basic tareeke se multimeter ke beep mode par check karte hai lekin iski asli value henry H milli henry mH v micron henry µm me maapi jati hai µm micron henry motai aur lambai ki ikai hai yeh dono alag cheez hai

---

FUSE

Yeh component mobile PCB ko high voltage short circuit se bachata hai jab bhi PCB me zyada current aata hai yeh khudko open kar deta hai jisse line cut ho jati hai aur kisi tarah ka koi short circuit nahi hota yeh IC aur baaki component ko jalne se rokta hai fuse un sabhi section v line me hota hai jaha 3.7v chalta hai yeh kisi jumper ki tarah hi hota hai jo multimeter par beep karta hai yeh dikhne me smd resistor jaisa hota hai jispar 0 zero ohm ya F likha hota hai

---

DIODE

Ek ardhchalak component hai jo current ko ek disha me aage jane deta hai yeh kisi vahan ke tyre me lage air valve ki tarah kaam karta hai mobile PCB me har alag alag kaam ke liye alag alag diode lage rehte hai diode sab ek disha me current bhejte hai sirf zener diode hi ek aisa diode hai jo reverse bias me bhi kaam karta hai

Zener diode yeh over voltage par protection ke liye lagaya jata hai jo over voltage aur short circuit se bachata hai

Rectifier diode yeh AC signal v current ko DC me badalta hai mobile me bahut kam milta hai lekin charging section aur power section me hota hai

Photo diode yeh chhote current signal ko switch karne ka kaam karta hai phone ki brightness auto mode par kam zyada karne me proximity sensor me iska upyog kiya jata hai

LED diode mobile ke notification light v backlight me lage hote hai yeh diode keypad phone keypad par lage rehte hai inka kaam hai current pass hote hi light dena

Schottky diode bahut kam voltage drop karte hai kisi bhi phone me inhe battery life badhane aur battery ka kam nuksan ho isliye lagaye jate hai RF aur network section me lage hote hai RF section me inka kaam signal ko tezi se switch karna hai

---

TRANSISTOR

Circuit ko band athva chalu karne me upyog kiya jata hai jab mobile ko on karna hota hai tab transistor power supply ko control karta hai circuit ko short hone se bachata hai transistor charging section aur network section me hote hai kamzor RF signal ko majboot karta hai network me aane wali ashuddhta ko door karta hai PCB me alag alag IC aur parts ko alag alag voltage chahiye transistor voltage ko control aur regulate karke circuit tak sahi matra me supply pahunchate hai

---

MOSFET

Dekhne me kisi chhoti IC ki tarah hote hai lekin inme teen terminal hote hai mosfet battery se aane wali DC supply ko control karta hai aur kaunsi IC ko kab power dena hai yeh mosfet tay karta hai battery ko over charging se bachata hai jab kabhi battery ulti lag jati hai ya over voltage jaisi samasya banti tab mosfet suraksha ka kaam karta hai agar mosfet kharab hote hai tab mobile dead ho jata hai battery sau pratishat charge dikhayegi aur jaldi khatam ho jati hai mosfet kharab hone par CPU IC aur power IC zyada garam hoti hai

---

BDR

Mobile PCB me sabhi component jaise battery charging pin microphone speaker v ringer in sab se juda hota BDR ka kaam signal pass karna aur battery voltage charging voltage audio signal ko control karke aage bhejna hota hai agar zyada current aaye to BDR open ho jata hai aur main IC ya CPU ko bacha leta hai mic ka voltage BDR ke jariye hokar audio IC ya CPU tak jata hai agar BDR kharab ho jaye to awaaz record nahi hogi aur bahut dheemi awaaz jayegi ringer ko chalane ke liye audio IC se aane wala output signal BDR se hokar aata hai agar BDR open ho jaye to awaaz nahi aayegi fati awaaz ya dheemi awaaz aa sakti hai BDR har section me ek resistor gate jaisa kaam karta hai jo signal ki pahchan karata hai aur IC ko protect karta hai

---

FILTER

Chhote chhote SMD component hote hai jo signal line me aane wali trutiyon jaise AC current noise ripple adi ko hata deta hai yeh signal ko stable banata hai network section me antenna se aane wale signal pehle filter se guzarate hai fir PA IC RF IC tak jate hai mic aur speaker ke paas filter awaaz ko saaf karte hai aasan bhasha me filter ka kaam signal ko saaf aur stable karna hota hai yeh network audio power display sabki line me filter lage hote hai

---

POWER

Mobile me power ek mukhya bhag hai aur sabse zyada aane wali samasya bhi yahi hai agar aapke paas kuch mukhya fault aate hai jo power se hote hai ya hume voltage power ki kisi bhi tarah ki samasya aate hai jaise

• Set band aana jise hum dead kehte hai (SET DEAD)
• Auto restart hona (RESTART)
• Hang hona aur band ho jana (HANG)
• Battery jaldi khatam hona (BATTERY DRAIN)
• Battery charge na hona

---

SET DEAD

Yeh band phone ki samasya hai aur hume nahi pata ki phone me kya samasya ho sakti hai

Aur kisi tarah ki shorting ki wajah se set band hone par jo ki hume doosre step me pata chal jata hai battery fault na aane par tab hum DC power supply machine se phone kitna current ampere le raha yeh dekhna hai agar phone power key dabaye bagair koi ampere leta hai tab us samay hume phone me shorting milegi agar power key dabane ke baad koi ampere milta hai tab hume DC reading se pata chalega ki hume kaha fault mil sakta hai ya kis tarah ki condition hai DC reading aage aane wale boot sequence me di gayi hai

Tab sabse pehle hume eye scanning karni hai dekhna hai ki phone me kisi prakar ki koi toot phoot to nahi hai agar hai tab hum us cheez ko samjhenge aur aage kaam karenge agar nahi hai

Tab hum battery check kar lenge agar battery ka koi fault jaise battery connector check battery connector resolde battery boost battery change adi step follow karke hum battery ka fault confirm kar lenge aur uski samasya ka hal karke phone bana lenge

---

AUTO RESTART

Yeh problem kai prakar ke fault se aati jaise kai baar mobile battery kharab hone se phone restart hota hai battery ke patte BMS me problem aane se bhi hota hai jo ki bahut normal fault hota hai aur tab isme lage PTC resistor par jumper karke solution karte hai lekin yeh koi samadhan nahi hota agar jumper testing se solution ho jata hai tab hume nayi battery lagana hai, agar auto restart ki problem aage bhi bani rehti hai jab hum PTC resistor ka jumper kar lete hai aur nayi battery bhi laga lete hai lekin is problem ka solution nahi hota hai tab power IC ki over heating, CPU dry, Software Corrupt, ya half shorting ki problem se aisa fault ban sakta hai tab hume step by step DC reading, leakage aur shorting dekhna hogi

---

HANG PROBLEM

Yeh RAM, Data IC, v CPU ke fault hote hai, jo phone kaafi purane ho chuke hai ya RAM v storage kam hota hai un set me yeh dikkat aati hai agar phone hang hokar band ho jata hai tab CPU dry v RAM dry hone se bhi hoti hai pehle hume phone flash karna hai agar problem theek ho jata hai tab software problem tha, tab DATA IC ki life bahut kam hai ya kharab ho gayi hai kuch time me fir yeh samasya aayegi, hume new EMMC hi lagana chahiye lekin flashing ke baad bhi problem aati hai tab CPU, EMMC reball karna hai hang ki problem me phone over heat hota hai aur kuch phone ke operating system is prakar ke hote hai ki wo over heat par khudse band ho jate hai taki phone phatne jaisi dikkat nahi bane lekin yeh ek feature hai jo 5th generation, 5G ke kai phone me hoti hai aur naye phone me yeh problem software se aati hai

---

BATTERY DRAIN

Mukhya karan battery kharab ho jana agar battery 600 se 900 baar charge ho chuki hai zero se hundred percent tab battery ki life khatam ho chuki hai phone me aane wali half shorting v leakage bhi battery ko jaldi khatam karta hai battery connector loose ho, network section me kuch problem ho jisse phone network searching me battery khata ho, phone high performance par over heat hota hai isse phone battery drain hoti hai, charging section v power section ki gadbadi se battery drain hoti hai phone me battery jaldi khatam hone ke kai karan ho sakte hai, sabse pehle half shorting aur leakage dekhna hai fir new battery install karni hai

---

BATTERY NO CHARGING

No charging me bahut si dikkate aati hai jisko hume ek ek kar dekhna hota hai jaise mobile ka charging pin ya cable kharab, battery connector aur sub board ka flex patta v flex connector main board se, uske baad battery v charging IC aise fault no charging me hume milte hai lekin sabse zyada battery v charging pin kharab hone ke fault milte hai kuch fault charging IC se aage aane wale adhyay me milenge battery no charging par hum sabse pehle ampere tester se dekhte hai ki phone kitne ampere le raha hai agar charge par bahut kam ampere le raha hai jaise 0.4 se 0.6 tab hume new battery connector lagane se pehle usi charging pin ki safai karni hai aur uske baad ki samasya me connector change karna hai charging line me shorting ya leakage se battery garam hoti hai phoolti hai aur no charging v fake charging hume dikhai deta hai

---

Phone Boot Sequence on DC Power Reading

Jab phone ko DC Supply se connect karte hai aur power key nahi dabate, tab DC Supply par 0.000A ya bahut halki load reading (0.001–0.010A) dikhti hai. Yeh sirf leakage current ya standby circuit ki reading hoti hai. Power key dabate hi achanak current jump hota hai (jaise 0.050A – 0.120A tak). Yeh PMIC (Power Management IC) ka activation hota hai. Jab current badhkar 0.200A – 0.500A tak jata hai yahan CPU, EMMC, RAM aur Baseband load hote hain. Agar yahi par ruk jaye to samasya CPU, RAM, ya PMIC ki samasya aati hai jab current aur badhkar 0.500A – 0.800A ya usse zyada ho jata hai is step me Display, Backlight aur baaki sabhi IC v section on hote hain current fluctuate karta hai 0.300A – 1.200A tak upar neeche yeh dikhata hai ki phone Operating System load kar raha hai jab phone pura on hokar Home Screen tak pahunch jata hai, to current stable hokar 0.300A – 0.600A (Standby Mode) par aa jata hai

---

Basic DC Boot Riding

Agar current 0.000 par stuck hai power key dabane par bhi phone boot nahi kar raha Power IC response nahi kar rahi aur koi booting nahi mil rahi tab power key tooti kharab ya power IC ke paas laga crystal gadbad ho sakta hai agar booting 0.070A – 0.250A par stuck hai CPU, EMMC, RAM short ya BUCK voltage ki dikkat ho sakti hai agar 0.300A – 0.500A par stuck hai software problem hoti hai agar bina power key dabaye current 1.500A+ jump karke cut ho jata hai tab short circuit ya overload ki samasya aati hai

Note :- Boot reading ko aur behtareen tareeke se samjha jaye to yeh diye gaye fault par alag alag tareeke se kaam karti hai jaisa ki har phone ki dead condition alag alag hoti hai koi pani me gira ho sakta hai koi toota ho sakta hai hum kisi bhi DC Power Supply machine par voltage (V) aur ampere (A) par kaam karte hai

---

ON/OFF SWITCH DC FIRST BOOTING

Sabse pehle kisi bhi on phone ko DC power supply par lagate hai aur power key dabane par jo pehli reading milti hai usko us phone ki starting boot reading mante hai kisi bhi on phone ki boot reading power button dabate hi jo pehli reading aani chahiye wo 0.100A milli ampere ke andar hoti hai jo 0.030A, 0.060A, 0.070A ke lagbhag rehti hai agar power button dabane par phone high booting jaise 0.130A, 0.200A ya isse adhik kisi bhi tarah ki reading leta hai tab phone me kisi prakar ka fault hota hai agar phone ko DC power supply par lagate hi koi ampere machine me dekhne ko milta hai jaise 0.010 ya 0.030 v usse adhik to yeh phone me shorting ko batata hai jab tak power button nahi dabai jati tab tak power IC ko koi signal nahi jata hai tab tak DC supply me kisi prakar ki koi reading 0.000A nahi milti hai

---

ON PHONE BOOTING

On phone me power key dabane ke baad starting booting point se dheere dheere ampere badhta hai jo 0.025A, 0.050A, 0.110A, 0.250, se lekar 0.750A, 0.800A, 1.200A tak aakar fir 0.250A se 0.650A ke beech stable rehta hai jab tak screen on rehti hai aur yeh boot reading phone me kisi prakar ki activity par kam v zyada hoti hai

---

FAULT ON DC

1.

Dead phone ko DC par connect karte hi bina power button dabaye phone kisi prakar ka auto ampere leta hai tab shorting rehti hai

DC :- Voltage 0.400
Amp 0.070

VBAT aur VPH line me shorting hoti hai Motherboard me rosin smoke se shorting ko dekhenge

---

2.

Jab bhi phone me power button dabate aur DC me koi boot reading nahi milti hai

DC :- Voltage 0.400
Amp 0.000

Tab on off switch par (1.8v v 2.8v) voltage check karna hai agar voltage nahi aa rahe to button patta badalna hai aur voltage aa rahe tab power IC ke paas lage crystal ko badalna hai agar fir bhi fault bana rehta hai tab buck coil aur line check karenge kyunki buck coil short ho sakti hai agar sabhi buck coil me se pehla buck voltage nahi banta tab bhi dikkat aati hai uske baad bhi dikkat aaye tab power IC badalni hai aur CPU check karna hai ki kahi kisi ne CPU me kaam to nahi kiya

---

3.

Agar phone on nahi ho raha dead hai aur power key dabane par high booting le raha aur wapas zero ho jata hai ya high booting par rehta hai

DC :- Voltage 0.400
Amp 0.450

DC :- Voltage 0.400
Amp 0.000

Tab buck coil check karna hai power IC garam to nahi ho rahi check karna hai change karna agar short ho tab LDO ke voltage check karna hai 1.8v v 2.8v ki sabhi line me shorting check karna hai

---

4.

Agar kisi dead phone me on off dabane par agar phone stuck ho jata hai jaise 0.050A se 0.150A

DC :- Voltage 0.400
Amp 0.050 Stuck

DC :- Voltage 0.400
Amp 0.150 Stuck

Agar phone DC par stuck ho raha hai tab hume pehle CPU aur power IC par bilkul kaam nahi karna hai yeh fault EMMC data IC v RAM dry hone ya kharab hone se aata hai tab hume EMMC health check karna hai reball karna hai EMMC ke sabhi voltage 1.8v v 2.8v ki sabhi line check karna hai agar phone gira hua damage aaya hai tab CPU EMMC reball karna hai

---

5.

Dead phone jab bhi DC par on off switch dabane par 0.50A se 0.100A fluctuate karta hai

DC :- Voltage 0.400
Amp 0.050

DC :- Voltage 0.400
Amp 0.100

Tab kisi reading par stuck nahi hota kahi kahi kuch second ruk kar fir kam zyada hota hai tab RAM ke buck converter ke voltage dekhenge RAM dry ho sakti hai RAM kharab ho sakti hai pehle sabhi voltage check karenge aur RAM change ya reball karenge 90% yeh fault RAM se hota hai

---

6.

Agar dead phone me power key dabane par bahut kam ampere 0.010A se 0.050A tak leta hai jab tak power button dabaye rakhte hai aur jaise hi power button chhodte hai wapas zero ho jata hai tab ise low booting kehte hai

DC :- Voltage 0.400
Amp 0.010

DC :- Voltage 0.400
Amp 0.050

DC :- Voltage 0.400
Amp 0.000

Is condition me hi hume boot sequence ki zarurat padti hai hume direct CPU se nahi chhedna hai pehle hume buck, LDO, CPU, clock, power IC sabhi ko step by step dekhna hai